23 сентябрь — Мамлекеттик тил күнү

23-сентябрь 2025-жылы Мамлекеттик тил күнүнө карата мектепте 1-класстан 11-класска чейинки класстык сааттар өткөрүлдү. Мамлекеттик тилге атайын арналган бурчтар уюштурулган.

Тарбия иштери боюнча директордун орун басары Б. К. Осмонкулова кыргыз тил мугалимдери менен биргеликте 23-сентябрда «Эне тилди даңктайлы!» аттуу салтанаттуу иш-чараны уюштурду. Иш-чарада 9-11-класстын окуучулары тилдин гимнин аткарышты. «Манас» эпосунан үзүндү аткарылып, «Эне тилим — эне сүтүм» темасындагы ырлар көркөм окулуп, кыргыздын улуттук бийлери жана ырлары аткарылды. Жаш комузчулар музыка мугалими А. С.Мусабаева менен бирге «Камбаркан» күүсүн ойношту.